أنا بأكّــون نفــــســي

أنا بأكّــون نفــــســي

اه وماله بتكون نفسك ازاي بقى ؟؟
اه ياعني عملت أيه عشان تكّــــون نفسك ؟؟

أصل الموضوع ده يخنق بصراحه
كل ما تيجي تقول لشاب .. عقبال ما نحضر فرحك يرد .. لألأ مش دلوقتي ..
لما أكّون نفسي

ماشي أنت كده شاب مسئول
ومقدر أنك في بنت مش عاوز تبهدلها معاك ده صح

بس عملت أيه أو بتعمل أيه عشان تكّون نفسك ؟؟
أصل كمان من سنتين سألتك قلتلك برده .. عقبال ما نحضر فرحك
وقولتلي .. لألأ لسه لما أكّون نفسي ؟؟
وغريبة ياعني ماكنش معاك موبيل .. بقى معاك واحد حديث
وماكنش معاك عربية .. أشتريت واحده
ويا محاسن الصدف .. كل خميس بتتعشى بره

طيب ياعني أيه نظام التكوين والمكعبات اللي معيشنا فيه ده
ما تكمل جميلك للآخر .. واتحمل مسئولية تكوين نفسك ؟؟
ولا ناوي تربي أولادك وأنت عندك 30 سنة
هتقدر ساعتها تضمن ميحصلش فجوة عقلية بينكوا

ومين ضامن عمره
الأعمار بيد الله

احنا عاوزين نخرج من الدنيا دي بحاجتين
العمل الصالح والولد الصالح
الأتنين اللي فاضلين للواحد في الدنيا وهينفعوه قوي في الآخره

كل المطلوب أنك تكمل جميلك
وتتحمل المسئولية للآخر

لــــــــــــــيـــــــــه

عشان تعرف تكّون نفسك