شهر المسودات
لست أدرى ما هذه الحالة التي أصابتني هذا الشهر ..
حالة تشبه الركود
أو تشبه عدم الحماس للشئ
حالة لم أستطيع وصفها
ولكن يمكن أن تتصوروا مدى ردود أفعالها
أقرأ بوست في أحد المدونات .. ويعجبني وأعجز عن التعقيب
أقرأ مشاركة بالمنتدى .. ويكون لي رأي بموضوعها .. واكتبه .. ولا أبعث به
حتى بريدي انظر فأجد بريداً جديداً .. ولا أجد في نفسي فضولاً لفتحه وقرائته
ولم تحظى المدونة بحظاً أفضل
لأني كتبت كثيراً من المواضيع .. التي تهمني والتي عاصرتها هذا الشهر
ولكن للأسف .. هيهات
جميعها في الـمسودة
ما الأمر هذا الشهر
هل هو شهر مسودات حياتي
!!!!!!!!!!!!!!!!!!!
هناك ٥ تعليقات:
مسوداتنا اللي بنكتبها
ليها معزة خاصة
لكن مسوداتنا اللي في دماغنا
بتأثر على حياتنا
يعني لازم تخرجي اللي في دماغك
او حيبدأ يأثر جامد على حياتك
وربنا يفك ضيقك وتخرجي اللي في المسودات
حياتنا كلها مسودات في مدونة يا رشا..واحنا اللي بنختار امتي حننشر ولالا
المهم..تاخدي القرار الصح في الوقت الصح
وحالة عدم الحماس دي طبيعيةحتتحمسي من ايه تفتكري؟....
والله حاله الفتور وعدم الحماس دي طبيعيه وبتيجي لنا كتير بس خلي بالك مش تسيبيها تطول والا هتطور للاسوء
مدونتك لذيذه كتير
تحياتي
اوبس لا لا مش تقول كدا بص انا هشرحلك الحكاية بكل بساطه كل ما فيها ان الواحد لما بيداوم علي عمل روتيني بيفقد الدافع النفسي انه يقوم بيه و بعد كدا بيصبح الشئ عادي و بعد كدا ممل و تصل الحاله لحالتك كدا فزي ما قال دكتور ابراهيم الفقي لما تحس بحاجه زي كدا لازم تقعد مع نفسك من تاني و تشوف انت بتقوم بالعمل ده و بعد كدا تخلق لنفسك الدوافع من جديد و ان شاء الله هتخرج منها
نوفا
الجزئية دي
لكن مسوداتنا اللي في دماغنا
بتأثر على حيات
أثرت فيه جداً لان أكتشفت فعلاً أن كل اللي في العقل الباطن مسودات مخزنة .. ودائماً بتأثر بالسلب أو الإيجاب في حياتنا
ربنا يخليك يا نوفاويفتحها علينا كلنا إن شاء الله
أحمد
حديثك يكمل جزئية نوفا
واحنا اللي بنختار امتي حننشر ولالا
عندك حق احنا اللي بنختار امتى نخرج المسودات دي للنور .. ولغاية أمتى هتفضل متوارية في الظلام
بأحس دائماً أن ظروف عدم حماسنا متشابهه .. يمكن عشان بنعيش نفس الرتم من الحياة كل يوم .. في الشغل
وكان الله في العون
3lool
شرفتي مدونتي وإن شاء الله باقي التدوينات تعجبك
هي حاله عدم حماس مؤقتة وإن شاء الله تنتهي
copa
شرفت ونورت المدونة ويارب تكون عجبتك
فعلاً كل فترة لازم نجدد دوافع العمل عشان نخلق دوافع جديدة أقدر أستمر بيها في أداء نفس العمل
ويمكن بالأسلوب ده حالياً بانزل كل يوم الشغل
أني بأحط كل يوم هدف جديد أنزل الشغل من أجله
صدقني دي احسن طريقة للأستمرار
أشكركم جميعاً على مروركم ومشاركتكم معي الحالة
إرسال تعليق